صينية البطاطس,.,

[أريج الربيع]

السلام عليكم ورحمة الله وبركاتة..

كيف حالكم يا أخوان واخوات ..أن شاء الله كويسين..

اليوم حبيت اني اجيب لكم طبخة بسيطة مب صعبة تقدرون تأكلونها مع الغذاء أو العشاء..

المقادير :

بطاطس حسب الكمية ( أذا بتسوون في صينية صغيرة 2 بطاطس يكفوا)

بصل .
طماطم.
فلفل أخضر كبير.
بسباس ( اللي مايحبه لايسويه)
وكمون .
تونة أو ثمد.
طماطم علب.الطريقة :
أو شئ نقشر البطاطس ونغسله ونقطعه ونحطة في وعاء فيه ماء وشويه ملح ونحطة عالنار يفور ..

في الوقت اللي البطاطس عالنار تعالوا نسوي الكشنة ..

نقطع البصل والطماطم والفلفل والبسباس ونحطة في وعاء على الزيت طبعا ألين مايستوي وحطوا

عليه شويه كمون وطماطم علب ولاتنسون تحطون شويه تونة يعني اللي ينطعم مش وايد أذا ما

في سووا ثمد .

أكيد اللحين البطاطس أنهرس من كثر مايفور وهو المطلوب بعد ماتطلعونه من الماء أهرسووه كويس
لو معاكم عجوز بالبيت يقدر يأكله.
ونجيب الصينيه ونسوي البطاطس بالملعقة ونجيب الكشة اللي سويناها ونحطها من فوق وبعدين
حطوها في الفرن ..

وأخييييييييير ا ..
بالهنا والشفاء.

[فاقدة الروووح]

اريج الحمدلله تحولنا من الصوانين والموز
اكله ولا اسهل >>>> طبعا شيفة

سلمت يمينك حبيبتي
بحاول اجربها ان شاء الله
[b]

[أريج الربيع]

أختي فقوودة..

أشكرج على مرورج الطيب .أيه والله قلت بغير شوي بدل الصانونة . وأن شاء الله تجربيها وتعجبكـــ ..

تحياتيــ...

أريجوو.

[sweet girl]

ياسلااااااااااام بطاااااطس..
ان شاء الله بجربهـــــــــا عماا قريبـ ^^..
يسلمك ربي اريجو على الاكلـة..
مشكوووور ياغاليهـ..

تقبلي مرور اختكـ..

[الشاطر]

يعطيكم العافية

[أريج الربيع]

أختي سويتوو أشكرك على زيارة متصفحي .. دمتي في حفظ الله .

أخوي الشاطر أشكرك على مرورك الطيب .

تحياتي .